Яңача яшэүгә 20 ел гына булса да авылыбызны мәчетсез, азан тавышыннан башка яшәвен күз алдына да китереп булмый. Хәзерге яшь буын шул моңлы азанны көн дә тыңлап үсә. Авылыбызның һәр йортына җанга җылы бирә торган рәхәтлекне, сихәтне мәчетебез манарасыннан, бәрәкәт яудырып, моңлы азан тавышы тарата, олысын-кечесен намазга чакыра...

    Барлык айларның да солтаны булган Рамазан аеның утыз бер көне дә – һәр мөселман өчен олуг бәйрәм булып тора, шуңа күрә аны һәрбер мөселман кешесе шатланып көтеп ала. Бу изге айда ураза тоту, кичләрен тәравих намазларын уку мөэминнәрне Аллаһы Тәгаләгә тагын да якынайта. Кеше үзен Аллаһының чын колы итеп таный.

    Рамазан айларында авылыбызның гүзәллеген аеруча тоясың. Безнең авыл халкы өчен ул "кунак ае” дип тә санала. Балаларның тәрбиясендә яшәгән кадерле әби-бабаларыбыз, урамнарны тутырып, бер-берсенә кунакка барышалар, Коръән сүрәләрен тыңлыйлар.

    Ай дәвамында авыз ачтыру, бүләкләр, күчтәнәчләр бирешү мөэмин бәндәләрнең берләшүенә, күңелләрен сафлануына, йомшартуына китерә.

     Гаиләң белән бергә-бергә сәхәр ашау, намаз уку, ифтар кылу, тәравихка йөрү Рамазан аенда башкарыла.

    халкы үзенең моңлы телен, динен саклап калуда зур көч куеп, милләтебезнең киләчәгенә зур ышаныч белән карый. Шунын очен авылыбызда вакытында ике мэчет тозелде, алар халыкка күңелен шатлык, горурлык хисе били.

    Авылыбызның һәр йортында балаларыбызга яшьтән үк телебезне, динебезне, йолаларыбызны, гореф-гадәтләребезне, Ислам кануннарын, шәригать кагыйдәләрен өйрәтеп килгәндә генә, алар чын мөселман кешесе булып җитешерләр, Аллаһ боерса.

     Рамазан ае үтеп бару унае белән 19нчы августта иртән ике мәчеттә дә Ураза Гаете укыла, шунда бөтен мөселманнарны чакырабыз.