Тормыш булгач була төрле хәлләр, бер генә җан да бу фани дөньяда мәңгелек түгел. Һәммәбезнең гомер ахыры, бер Аллаһ кына белгән тәмамы бар. Якын, кадерле кешеләребез белән соңгы аерылышу никадәр моңсу, сагышлы, аянычлы авыр булмасын, бу мәҗбүри. Чөнки Аллаһ кешенең җанын фәрештәләр аша күккә меңгергәч, тәнен җир куенына иңдерергә кушкан. Бу шулай тиеш. Шушы тиеш гамәлләрне кадерлебез, әниебез Таҗетдинова Зәйтүнә Минәтулла кызын соңгы юлына озатканда җиренә җиткереп, дини таләп-ләргә туры китереп башкарган дин кардәшләребезгә, туганнарыбызга һәм барлык авылдашларга , изге, саф, эчкерсез рәхмәтләребезне җиткерәсебез килә. Шул авыр вакыйгада безнең өчен Ходайдан сабырлык сорап, якыныбызны аклык, сафлык һәм догалар белән озатырга ярдәм иткәнегез өчен сезгә зур рәхмәт. Бары исән-имин булыгыз. Кайгы-хәсрәтсез гомерегез, картлык көн-нәрегез, соң сулышыгызга кадәр сезне озата барсын. Картаеп гүргә иңгәч тә сезне дә, безне дә шулай тиешенчә, динебезчә зурлап озатучы, аннан ары догачыларыбыз булсын, я раббым. Рәхмәт барыгызга да. Сезгә ихтирам белән

     Таҗетдиновлар гаиләсе.