​​​​​​      Бүген, 12 гыйнварда Озын Куак авылында яшәүче Сәйдәшева Гөлмеҗиһан Сабир кызының 90 яшьлек юбиелына балалары, оныклары, оныкчыклары, туганнары җыелды. Зур өстәл артында табынны Сүрәдәт башлап ачып җибәрделәр, һәм һәрберсе үзенең теләкләрен әйтеп котладылар. Гөлмеҗиһан әби үзенең күргәннәрен, тормыш юлларын, сугыш вакытын сөйләп, бүгенгесе көнгә яшәвенә, балаларының игътибарына шатланып торуын сөйләде. Бәйрәм табыны күңелле үтте.

Бар нәрсә табып була җирдә,

Табып була эшне, акчаны.

Сатып алып була зур байлыкка,

Чит илдәге гүзәл бакчаны.

Тик сатылмый җирдә сәламәтлек,

Сатып алып булмый гомерне.

Табып булмый әгәр бер югалтсаң,

Бу дөньяда әти – әнине.

Шуңа күрә яшәгәндә дуслар,

Кадерлик без әти – әнине.

Алар безгә гомер бүләк иткән,

Иң газизлар җирдә түгелме?

Күп нәрсәне рәтләп була җирдә,

Я табыла аның башкасы.

Ә югалтсаң әти – әниләрне,

Аларның бит булмый яңасы.