Яңача яшэүгә 20 ел гына булса да авылыбызны мәчетсез, азан тавышыннан башка яшәвен күз алдына да китереп булмый. Хәзерге яшь буын шул моңлы азанны көн дә тыңлап үсә. Авылыбызның һәр йортына җанга җылы бирә торган рәхәтлекне, сихәтне мәчетебез манарасыннан, бәрәкәт яудырып, моңлы азан тавышы тарата, олысын-кечесен намазга чакыра...
Барлык айларның да солтаны булган Рамазан аеның 31 көне дә – һәр мөселман өчен олуг бәйрәм булып тора, шуңа күрә аны һәрбер мөселман кешесе шатланып көтеп ала. Бу изге айда ураза тоту, кичләрен тәравих намазларын уку мөэминнәрне Аллаһы. Тәгаләгә тагын да якынайта. Кеше үзен Аллаһының чын колы итеп таный.
Рамазан айларында авылыбызның гүзәллеген аеруча тоясың. Безнең авыл халкы өчен ул "кунак ае” дип тә санала. Балаларның тәрбиясендә яшәгән кадерле әби-бабаларыбыз, урамнарны тутырып, бер-берсенә кунакка барышалар, Коръән сүрәләрен тыңлыйлар. Ай дәвамында авыз ачтыру, бүләкләр, күчтәнәчләр бирешү бәндәләрнең берләшүенә, күңелләрен сафлануына, йомшартуына китерә.
Просмотров: 635 |
Добавил: admins |
Дата: 06.08.2013
|
